Azərbaycan millisinin üzvü Musa Qurbanlının formasını geyindiyi "Yurqorden" bu gün İsveç çempionatında 21-ci tur oyununa çıxıb.
Sportarena.az xəbər verir ki, komanda "Deqefors"u qəbul edib. Görüş "Yurqorden"in 4:1 hesablı qələbəsi ilə başa çatıb.
Musa meydana start heyətində daxil olub və 89-cu dəqiqədə Teo Berqvali ilə əvəzlənib. Musa görüşdə dubl edib və 1 qolun ötürməsini verib. O, het-trik etməyə yaxın olsa da, 58-ci dəqiqədə penaltini dəqiq yerinə yetirə bilməyib.
Xatırladaq ki, M. Qurbanlı 4 gün əvvəl İsveç kubokunun seçmə mərhələsində "Sandvikens"lə görüşdə (5:1) 1 qol vurub. Yığmamızın 21 yaşlı hücumçusu həm də sözügedən qarşılaşmada qolla nəticələnən penaltinin səbəbkarı olub.
Qeyd edək ki, "Yurqorden" hazırda 37 xalla 4-cü, "Deqefors" 20 xalla 14-cüdür.
27 avqust
19:30. "Yurqorden" - "Deqefors" - 4:1
Qollar: Qustav Medonsa Uikhem, 2 (Qol ötürməsi: Musa Qurbanlı), Yozef-Klaud Qyau, 20 (1:1), Musa Qurbanlı, 23 (2:1), 34 (3:1), Markus Danielson, 64