Polşalı hücumçu Robert Levandovski hazırda ABŞ-da təlim-məşq toplantısında olan “Barselona” klubunun heyətinə qoşulub.
Ulduz futbolçu yeni komanda yoldaşları ilə nahar zamanı salamlaşıb.
“Barselona”ya keçdiyim üçün xoşbəxtəm. Mən çoxdan İspaniyanın top-klubunda oynamaq arzusunda olmuşam. Karyeramda yeni dövr başlayır, qarşıda məni yeni maraqlı çağırışlar gözləyir”, – Kataloniya klubunun mətbuat xidmətinə açıqlama verən 33 yaşlı futbolçu vurğulayıb.
Qeyd edək ki, R.Levandovski “Barselona” ilə üç illik müqavilə imzalayıb.