Azərbaycan kikboksçusu Zabit Səmədovun idmançı karyerasını bitirəcəyi vaxt bilinib.
Bu, sentyabrın 10-da olacaq. “Mauqli” ləqəbli Səmədov məhz həmin gün Milli Gimnastika Arenasında vida döyüşünü keçirəcək. Yaxın günlərdə arena bu döyüş gecəsinin biletlərini satışa çıxaracaq.
Qeyd edək ki, Zabit Səmədov 2020-ci il aprelin 11-də Heydər Əliyev adına İdman və Konsert Kompleksində britaniyalı kikboksçu “Çəkic” ləqəbli Ceyms Maksvini ilə döyüşüb karyerasını bitirməli idi. Lakin həmin vaxt ölkədə pandemiya elan olunduğundan, döyüş təxirə salınmışdı. (oxu.az)