“Barselona” tarixdə ilk dəfə bir mövsüm ərzində ardıcıl 3 dəfə doğma meydanda uduzub.
Sportarena.az xəbər verir ki, "Gracenote Live" məlumat yayıb. Kataloniya təmsilçisi La Liqanın 21-ci turunun təxirə salınmış oyununda "Kamp Nou "da "Rayo Valekano "ya uduzub (0:1). Buna qədər İspaniya klubu yerli çempionatda evdə “Kadis ”ə (0:1), Avropa Liqasında isə “Ayntraxt” a (2:3) məğlub olub.
İndiyədək "Barselona" bir mövsüm ərzində evdə ardıcıl üç dəfə uduzmayıb.
Qeyd edək ki, "Barselona" hazırda turnir cədvəlində 63 xalla 2-cidir.