"Neftçi" uzun müddətdir klub televiziyasını açmağa çalışsa da, hələlik buna nail ola bilmir.
Sportarena.az xəbər verir ki, buna həm texniki, həm də kadr çatışmazlığı səbəb olur.
Artıq məsələyə AFFA - şəxsən baş katib Elxan Məmmədov qarışıb. O, nəzarətində olan "CBC Sport"a tapşırıq verib ki, problemlərin həlli ilə bağlı "Neftçi"yə bütün köməkliklər göstərilsin. Məsələn, əksər promo videoların yazılması və səsləndirilməsi məhz "CBC Sport"un redaksiyasında həyata keçirilir və buna görə klub tv-yə 1 qəpik də pul ödəmir.