Bu gün AFFA İntizam Komitəsinin növbəti iclası keçirilib.
Sportarena.az xəbər verir ki, aparılan müzakirələrdən sonra AFFA-nın bayrağı altında təşkil olunan müxtəlif çempionatlarla bağlı aşağıdakı qərarlar qəbul olunub:
Region Liqasında “Şəki” – “Oğuz” matçının 90+4-cü dəqiqəsində “Oğuz”un futbolçuları Ramin Əliyev və Fərid Abdullayev hakimi təhqir etdiyinə görə, hər ikisi 4 oyun cəzalanıb.
Region Liqasında “Qoşqar UGİM 2” – “Energetik” matçının 55-ci dəqiqəsində “Energetik”in futbolçusu Elvin Əlizadə kobud oyuna görə birbaşa qırmızı vərəqə alaraq meydandan kənarlaşdırıldığı üçün 2 oyun cəzalanıb.
Gənclər Liqasında “Neftçi” – “Sabah” matçının 53-cü dəqiqəsində “Sabah”ın futbolçusu Fərrux Fərzəliyev ikinci sarı vərəqə alaraq meydandan kənarlaşdırıldığı üçün 1 oyun cəzalanıb.
U-17 Liqasında “Neftçi” İK İB – “Keşlə” matçının 90-cı dəqiqəsində “Keşlə”nin futbolçusu Fərid Muxtarov hakimi təhqir etdiyinə görə 4 oyun cəzalanıb.
U-15 Liqasında “Neftçi” İK İB – “Zirə” matçının 63-cü dəqiqəsində “Zirə”nin futbolçusu Hüseyn Hüseynov ikinci sarı vərəqə alaraq meydandan kənarlaşdırıldığı üçün 1 oyun cəzalanıb.
U-14 Liqasında “Əlincə” – “Səbail” matçının 58-ci dəqiqəsində “Əlincə”nin futbolçusu İsmayıl Məmmədov aqressiv davranışa görə birbaşa qırmızı vərəqə alaraq meydandan kənarlaşdırıldığı üçün 2 oyun cəzalanıb.
U-14 Liqasında “Təhsil” (Saatlı) – UGİM (Göyçay) matçının 45-ci dəqiqəsində UGİM klubunun məşqçisi Elman Hüseynov hakimi təhqir etdiyinə görə 3 oyun cəzalanıb.
U-13 qızlar Liqasında “Mingəçevir” – “Kür” FK (Samux) matçında “Mingəçevir” yaş limitini pozduğuna görə kluba 0:3 hesablı texniki məğlubiyyət verilib.
Futzal üzrə Azərbaycan çempionatının Birinci dəstəsnin “Şərq” – ADBTİA matçının 22-ci dəqiqəsində “Şərq” komandasının heyətində yetərsay olmadığına görə oyun yarımçıq dayandırılıb. Oyun dayandırılan dəqiqədə hesab 5:0-dan böyük olduğuna görə, matçın hesabı - 18:1 ADBTİA komandasının xeyrinə olduğu kimi saxlanılır.
Futzal üzrə Azərbaycan çempionatının İkinci dəstəsinin “Atletiko Baku” – “Rəvan” matçının 30-cu dəqiqəsində “Atletiko Baku”nun futzalçısı Səid Abbasov kobud oyuna görə birbaşa qırmızı vərəqə alaraq meydandan kənarlaşdırıldığı üçün 2 oyun cəzalanıb. Oyunun 11-ci dəqiqəsində “Atletiko Baku”nun məşqçisi Zaur Səmədov hakimlər briqadasını təhqir etdiyi üçün texniki zonadan kənarlaşdırılıb. Oyun bitdikdən sonra Zaur Səmədov hakimlər briqadasına fiziki təsir göstərməyə cəhd etdiyinə görə 10 oyun cəzalanıb.