"Qarabağ" sabahdan etibarən Türkiyənin Antalya şəhərində qış təlim-məşq toplanışına start verəcək. Komanda təlim-məşq toplanışında ilk yoxlama oyununu yanvarın 15-də keçirəcək.
Sportarena.az xəbər verir ki, Ağdam təmsilçisinin ilk yoxlama oyununda Türkmənistanın "Aşqabad" klubu ilə qarşılaşacağı planlaşdırılsa da, Türkmənistan klubunun Antalyaya gələcəyi sual altına düşüb. Bu səbəbdən "Qarabağ" yanvarın 15-i Albaniyanın ən titullu klublarından biri olan "Şkenderbeu" ilə qarşılaşacaq.