Vəli Qasımovla yollarını ayıran "Neftçi" rəhbərliyi müvəqqəti olaraq komandanı onun köməkçisi Tofiq Mustafayevə tapşırıb. Qarşıdakı günlərdə bakılıların baş məşqçisinin adına aydınlıq gələcək. Artıq bu yöndə işlərə də start verilib. Əldə etdiyimiz məlumata görə, komandanın "sükanı arxası"na Ağasəlim Mircavadov gətiriləcək. Elə Tofiq Mustafayevin 0:8 hesablı biabırçı məğlubiyyətə baxmayaraq, komandada saxlanılmasının da səbəbi budur. Hazırda Ağasəlim bəylə danışıqlar aparılır. Onun komandaya baş məşqçi kimi gəlməsində AFFA da maraqlıdı. Demək olar ki, 90 faiz məsələ tərəflər arasında razılaşdırılıb.
Qeyd edək ki, Mircavadov "Neftçi" və "Xəzər Lənkəran"da Mustafayevlə birgə çalışıb.
Futbol11.az