Kiprin "Anortosis" klubu futbolçusu Dino Ndlovu "Qarabağ"a satmağa razılıq verib.
Sportarena.az xəbər verir ki, Cənubi Afrika Respublikasından olan futbolçu yaxın günlərdə Bakıya gələcək. "Qarabağ"ın 26 yaşlı hücumçu ilə iki illik müqavilə imzalayacağı gözlənilir.
Məlumata görə bu keçid həftəsonunadək rəsmiləşəcək. "Qarabağ" futbolçu üçün Kipr klubuna 350 min avro ödəyəcək.
Qeyd edək ki, D.Ndlovu ötən mövsüm Kipr çempionatında meydana çıxdığı 28 oyunda 16 qol vurub.