Ölkə çempionatının 2015-2016 mövsümü başa çatdıqdan sonra istirahətə yollanan AZAL-ın nə vaxt toplaşacağı bəlli olub.
Sportarena.az xəbər verir ki, "təyyarəçilər” bu ayın 19-da bir araya gələcəklər.
Bakıda toplaşacaq kollektiv hazırlığın birinci hissəsini paytaxtda keçirəcək. Komandanın ölkə xaricinə gedib-getməyəcəyi yaxın günlərdə bəlli olacaq.
Qeyd edək ki, Azərbaycan Premyer Liqasının digər təmsilçiləri - "Qarabağ” Avstriyada, "Zirə”, "İnter” və "Kəpəz” isə Türkiyədə təlim-məşq toplanışı keçəcək. "Qəbələ”nin hansı ölkəyə yollanacağı isə yaxın günlərdə müəyyənləşəcək.