"Barselona" "Mançester Yunayted"in yarımmüdafiəçisi Xuan Matanı transfer etməyə hazırlaşır.
Sportarena.az xəbər verir ki, Joze Mourinyo "qırmızı şeytanlar"ın baş məşqçi postuna gəldikdən sonra, Matanın gələcəyi sual altına düşüb. 2014-cü ildə məhz portuqaliyalı ispan futbolçunun "Çelsi"dən gedişinə səbəb olmuşdu. Halbuki ondan əvvəlki 2 ildə məhz Mata komandanın ən yaxşısı seçilmişdi.
Mourinyonun təyinatı Matada narahatçılıq yaradıb. 28 yaşlı yarımmüdafiəçi yenidən əsas heyətdən kənarda qalacağından qorxur. Məhz bu vəziyyətdən də "Barselona" faydalanmaq niyyətindədir.