Portuqaliya millisinin keçmiş həkimi Nunu Kampos "Real"ın futbolçusu Kriştian Ronaldonun zədəsi ilə bağlı şok açıqlama verib.
Sportarena.az "goal.com"a istinadən xəbər verir ki, "Vilyareal"la matçda zədələnən və bu zədə səbəbi ilə 2 matç ("Real Soseydad", "Mançester Siti") buraxan Kriştian Ronaldonun müalicəsi hələ də davam edir.
Nunu Kampos bu barədə verdiyi açıqlamada hücumçunun tam sağalmadan meydana çıxacağı təqdirdə "Avro-2016"dan kənarda qala biləcəyini bildirib:
"Əgər onun zədəsi bildirildiyi kimi, ombanın yuxarı nahiyəsinin mikroyırtığıdırsa, sağalması üçün Ronaldoya 18-21 gün lazımdır. Belə əzələ yırtığının bərpası 12-14 gün davam edir. Daha sonra futbolçuya 5-7 gün əzələlərin tam bərpa olunması lazımdır. Əgər Ronaldo tam sağalmadan oynayacaqsa, "Avro-2016"da çıxış etmək şansını riskə atmış olar".