"Atletiko" "Nitsa"nın hücumçusu Ben Arfanı heyətinə əlavə etməyə çox yaxındır.
Sportarena.az "AS" qəzetinə istinadən xəbər verir ki, Madrid klubu futbolçuya 3 illik müqavilə və ikiqat məvacib təklif edib.
Xatırladaq ki, 29 yaşlı futbolçunun Fransanın "Nitsa" klubu ilə müqaviləsi mövsüm sonunda bitir. Daha öncə ona "Yuventus", "Milan" və "Qalatasaray" klubları yaxından maraqlanırdı.
Qeyd edək ki, o, cari mövsüm Fransa çempionatında "Nitsa" forması ilə çıxdığı 30 oyunda 16 qol vurub və 5 asist edib.