"Barselona"nın hücumçusu Lionel Messinin uğursuz seriyası davam edir.
Sportarena.az xəbər verir ki, son 4 oyunda qol vura bilməyən argentinalı hücumçu, şəxsi antirekorduna bir addım daha yaxınlaşıb. Belə ki, hücumçu, sonuncu dəfə 2011-ci ildə ardıcıl 4 oyun qol vura bilməmişdi. Onun ən uğursuz göstəricisi isə 2010-cu ildə olub. Hücumçu 2010-cu ildə ardıcıl 5 oyun qol vura bilməyib.
Xatırladaq ki, ulduz futbolçu sonuncu dəfə Çempionlar Liqasının 8/1 final mərhələsind, "Arsenal"a qarşı keçirilən matçın 88-ci dəqiqəsində qol vurub.
Qeyd edək ki, cari mövsüm La Liqada 27 oyuna çıxan Messi 22 qol vurub və 11 məhsuldar ötürmə ilə yadda qalıb.