Son günlər cəbhədə baş verən məlum hadisələr dinindən millətindən asılı olmayaraq hər kəsi bir araya gətirdiyi kimi, Azərbaycan Premyer Liqasında çıxış edən komandaların fan-klublarını da bir araya gətirib.
Sportarena.az xəbər verir ki, bu gün Azərbaycan klublarının fan-klubları bir araya gələrək, Elmlər Akademiyası metrostansiyasından Şəhidlər Xiyabanına qədər yürüş ediblər.
Aksiyanı keçirməkdə məqsəd, azarkeşlərin cəbhədə vuruşan əsgərlərimizə dəstək olmasıdır. Yürüş zamanı azarkeşlər üzərində "Tribunadan səngərə", "Qana-qan, cana-can, yaşasın Azərbaycan" yazısı olan pankartlar açıb, müxtəlif şüarlar səsləndirərək hər zaman vuruşmağa hazır olduqlarını bildiriblər.