"Barselona" və Fransa milli komandasının müdafiəçisi Jeremi Matye əməliyyat olunub.
Sportarena.az klubun rəsmi saytına istinadən xəbər verir ki, futbolçu Rusiya millisi ilə yoxlama oyunu (4:2) zamanı zədələnmişdi. Əməliyyat olunan 32 yaşlı müdafiəçinin 6-8 həftə yaşıl meydanlardan uzaq qalacağı bildirilir.
Qeyd edək ki, futbolçunun mövsüm sonunadək oynamayacağı güman edilir. Onun "Avro-2016"da oynayıb-oynamayacağı isə hələ ki, məlum deyil.