İspaniya La Liqasının 20-ci turunda evdə "Atletik" (Bilbao) klubunu darmadağın edən (6:0) "Barselona" ciddi itki ilə üzləşib.
Kataloniya təmsilçisinin müdafiəçisi Xordi Alba zədələnərək sıradan çıxıb.
Oyunun gedişində sağ ayağında ağrılar hiss edən ispaniyalı futbolçu 69-cu dəqiqədə əvəzlənib. Onun 10 gün yaşıl meydanlardan kənarda qalacağı bildirilir.
Qeyd edək ki, "Atletik"lə görüşdə "Barselona"nın digər futbolçusu Lionel Messi də zədə səbəbindən oyunu davam etdirə bilməyib.