"İnter Mayami"də çıxış edən Lionel Messinin şəxsi mühafizəçisi Yassin Çuekonun nə qədər məvacib aldığı açıqlanıb.
Sportarena.az xəbər verir ki, o, keçmiş ABŞ hərbçisi və MMA döyüşlərinin daimi iştirakçısı olub.
Çueko müştərisini sözün əsl mənasında hər yerdə izləyir. Matçlar zamanı bir saniyə belə dayanmır. Daim kənarda hərəkət edir və Leonun hərəkətlərini izləyir. Hətta Messinin təhlükə altında olduğunu düşündüyü anlarda meydana girir.
Yassin gündəlik həyatda da argentinalı superulduza yaxın olur. Bunun üçün o, kifayət qədər böyük maaş alır.
Söhbət aylıq 250 min dollardan gedir. İl ərzində təxminən 3 milyon dollar. Bu, orta MLS futbolçusunun maaşından dəfələrlə çoxdur.
