Ozan Canın komandası ilk pley-off səddini keçə bilmədi

20:57 27 May 2023

Niderland Erediviziyasına sonuncu vəsiqə uğrunda pley-off oyunları keçirilir.

 

Sportarena.az xəbər verir ki, Azərbaycan millisinin yarımmüdafiəçisi Ozan Can Kökçünün formasını geyindiyi “Eyndhoven” bu gün “Almere Siti” ilə cavab matçında üz-üzə gəlib.

 

Sözügedən kollektiv bu rəqibi ilə bu dəfə səfərdə qarşılaşıb. İlk oyunda 1:0 hesabıyla qalib gəlmiş “Eyndhoven” ikinci matçdan 1:3 hesabıyla məğlub ayrılaraq mübarizəni dayandırıb.

 

Ozan da bu görüşün iştirakçısı olub. O, 90+1-ci dəqiqədə meydana buraxılıb. Əlavə vaxta gedən oyunda milli üzvü sarı vərəqə də alıb (119-cu dəqiqə).

 

Bununla da “Eyndhoven”in Erediviziyaya yüksəlmək arzusu baş tutmayıb. Komanda pley-offun ilk mərhələsindəcə mübarizəni dayandırıb.


Digər xəbərlər

Xəbər xətti