Bernardo Silva: “Yayda nə olacağını görəcəyik”

17:33 18 May 2023

“Mançester Siti”nin yarımmüdafiəçisi Bernardo Silva yayda komandadan ayrılacağını təkzib etməyib. Dünən Çempionlar Liqasında “Real” üzərində qələbənin əsas qəhrəmanlarından olan portuqaliyalı matçsonrası açıqlamasında ümumi sözlərlə kifayətlənib.

 

Sportarena.az xəbər verir ki, dublla 4:0 hesablı qələbədə böyük rol oynayan futbolçu deyib:

“lkin hədəfim mövsümü ən yaxşı şəkildə tamamlamaqdır. İngiltərə Premyer Liqasını, ardınca iki finalı qazanmaq lazımdır. Yalnız bundan sonra yayda nə olacağını görəcəyik”.

 

Xatırladaq ki, son günlər Bernardonun PSJ-yə keçəcəyi barədə xəbərlər var. Parislilər onu komandanı tərk edəcək Lionel Messiyə əsas əvəzedici kimi görür. Futbolçunun “şəhərlilər”lə müqaviləsi qalsa da, Fransa klubu 80 milyon avro ödəyərək keçidi həll etmək niyyətindədir.


Xəbər xətti