Azərbaycanın daha bir qadın güləşçisi Xorvatiyanın paytaxtı Zaqrebdə keçirilən Avropa çempionatında medal qazana bilər.
Sportarena.az xəbər verir ki, 65 kq-da mübarizə aparan Elis Manolova 3-cü yer uğrunda təsəlliverici görüşə qatılmaq hüququ əldə edib. Buna onun 1/4 finalda uduzduğu rumıniyalı İrina Rinqacinin finala çıxması səbəb olub.
72 kq-dakı Nigar Mirzəzadənin isə yarışı medalsız başa vuracağı dəqiqləşib. Çünki 1/4 finalda Azərbaycan təmsilçisinə qalib gələn ukraynalı Lyudmila Tiçina finala adlaya bilməyib.
Beləliklə, aprelin 21-də, həmçinin, Jalə Əliyeva (57 kq) qızıl, Türkan Nəsirova (53 kq) isə bürünc medal görüşünə çıxacaqlar.